হাটশিঙিমাৰীত জিলা আৰু সমষ্টি ভিত্তিক খেল মহাৰণ ২.০ ৰ শুভাৰাম্ভ । ৩৫ খন গাওঁ পঞ্চায়তৰ খেলুৱৈৰ মাজত অনুষ্ঠিত হ’ব বিভিন্ন প্ৰতিযোগিতা

ডিজিটেল সেৱা, হাটশিঙিমাৰীঃ দক্ষিণ শালমাৰা-মানকাচৰ জিলাৰ হাটশিঙিমাৰীত আজি সমষ্টি আৰু জিলা ভিত্তিক খেল মহাৰণ ২.০ ৰ শুভাৰাম্ভ কৰা হয়। পুৰান সুখচৰস্থিত মানিক সৰকাৰ হাইস্কুল খেল পথাৰত আয়োজন কৰা খেল মহাৰণ শুভাৰাম্ভ অনুষ্ঠানত মানকাচৰৰ বিধায়ক আমিনুল ইছলাম মুখ্য অতিথি হিচাপে উপস্থিত থকাৰ লগতে জিলা আয়ুক্ত ৰাহুল কুমাৰ গুপ্তা আৰু জিলা অতিৰিক্ত আয়ুক্ত ৰিপোন জ্যোতি নাথ বিশিষ্ট অতিথি হিচাপে উপস্থিত থাকি খেল মহাৰণ ২.০ ৰ শুভ উদ্ধোধন কৰে। জিলাখনৰ একমাত্ৰ মানকাচৰ বিধানসভা সমষ্টিৰ মুঠ ৩৫ খনকৈ গাঁও পঞ্চায়তৰ খেলুৱৈ সকলৰ মাজত সমষ্টি আৰু জিলা ভিত্তিক খেল মহাৰণ অনুষ্ঠিত কৰা হ’ব। স্থানপ্ৰাপ্ত খেলুৱৈ সকলে ৰাজ্যিক ভিত্তিক খেল মহাৰণত অংশগ্ৰহন কৰিব বুলি জিলা আয়ুক্ত ৰাহুল কুমাৰ গুপ্তা আৰু বিধায়ক আমিনুল ইছলামে জানিবলৈ দিছে।