মানকাচৰত ড্ৰাগছ সৰবৰাহকাৰী গ্ৰেপ্তাৰ

মানকাচৰ থানা এলেকাৰ অধীনস্থ নিউমাৰ্কেটত যোৱা নিশা আৰক্ষীয়ে অভিযান চলাই এজন ড্ৰাগছ সৰবৰাহকাৰীক গ্ৰেপ্তাৰ কৰিছে। ধৃত ড্ৰাগছ সৰবৰাহকাৰীজনক শ্বাহ আলম বুলি চিনাক্ত কৰা হৈছে। শ্বাহ আলমক আজি হাটশিঙিমাৰী জিলা আদালতত হাজিৰ কৰাত আদালতে ধুবুৰী জেললৈ প্ৰেৰণ কৰিছে। ২০১৩ চনৰ এক ড্ৰাগছৰ সৰবৰাহৰ গোচৰত শ্বাহ আলমৰ নাম সাঙুৰ খাইছিল। দীৰ্ঘদিনে তেওঁ পলায়ন কৰি থকাৰ পাচত আৰক্ষীয়ে যোৱা নিশা গ্ৰেপ্তাৰ কৰে বুলি জানিব পৰা গৈছে।