মানকাচৰ-বাংলাদেশী সীমান্তত নাওভৰ্তি চোৰাং চেনি জব্দ

মানকাচৰ-বাংলাদেশ সীমান্তৰ শিশুমাৰাত আজি ৪৫ নং বেটেলিয়ান বিএছএফে এক নাওঁ ভৰ্তি চোৰাং চেনি জব্দ কৰিছে। চোৰাং সৰবৰাহকাৰীয়ে ১০১ বস্তা চেনি এখন যন্ত্ৰ চালিত নাওঁত ভৰ্তি কৰি নদী পথেৰে বাংলাদেশলৈ সৰবৰাহ কৰি থকা অৱস্থাত বিএছএফে অভিযান চলাই নাঁও সহ চেনিখিনি জব্দ কৰিছে। বিএছএফক দেখি চোৰাং সৰবৰাহকাৰী পলায়ন কৰা পৰিলক্ষিত হৈছে। ৫০৫০ কেজি ওজনৰ চেনি আৰু নাঁওৰ বজাৰ মুল্য প্ৰায় ৪ লাখ টকা হব বুলি বিএছএফ সুত্ৰে প্ৰকাশ কৰিছে।