মঙলবাৰে ৰাজ্যপাল আহিব হাটশিঙিমাৰীত

অহা মঙলবাৰে হাটশিঙিমাৰীত আহিব অসমৰ ৰাজ্যপাল গুলাব চান্দ কাটাৰীয়া । মঙলবাৰে দিনৰ প্ৰায় ১২ বজাত হাটশিঙিমাৰীত উপস্থিত হোৱাৰ পাচত বিয়লি প্ৰায় আঢ়ৈ বজালৈ জিলা উপায়ুক্তৰ কাৰ্যালয়ত অনুষ্ঠিত হবলগীয়া এক সভাত অংশগ্ৰহন কৰিব। এই সভাখনত জিলা উপায়ুক্ত, জিলা আৰক্ষী অধীক্ষক তথা বিভিন্ন বিভাগৰ মুৰব্বী বিষয়া সকল উপস্থিত থাকিব। এই সভাখনৰ পাচত বিয়লি ৪ বজাত মানকাচৰৰ সাহাপাৰা বিএছএফ কেম্প এলেকাত উপস্থিত হৈ বাংলাদেশ সীমান্ত পৰিদৰ্শন কৰি সীমান্তৱৰ্তী লোকৰ সৈতে মত বিনিময় কৰিব। ৰাজ্যপাল গৰাকী বিয়লি ৬ বজাত এক জনতাসভাত অংশগ্ৰহন কৰি বিভিন্ন চৰকাৰী আচনিৰ হিতাধিকাৰীৰ সৈতে মত বিনিময় কৰিব বুলি জানিব পৰা গৈছে। নিশা হাটশিঙিমাৰী আৱৰ্ত ভৱনত আশ্ৰয় লৈ বুধবাৰে পুৱা ৭.৩০ বজাত তেওঁ গুৱাহাটীলৈ ৰওনা হব।