মানকাচৰত পুখুৰীত গা ধূবলৈ গৈ ১৩ বছৰীয়া কিশোৰীৰ সলিল সমাধি

মানকাচৰ থানা এলেকাৰ অধীনস্থ জোৰডাঙাৰ টোকৰাইপাৰাত কালি দূপৰীয়া এটি ১৩ বছৰীয়া কিশোৰী পুখুৰীত গা ধূবলৈ গৈ সলিল সমাধি হয়। গাওঁখনৰ জিতু মিয়াৰ জীয়েক জিয়াৰা খাতুন বুলি চিনাক্ত কৰা হৈছে। জিয়াৰা খাতুনৰ মৃতদেহ আৰক্ষীয়ে উদ্ধাৰ কৰি মৰনোত্তৰ পৰীক্ষাৰ বাবে ধুবুৰীলৈ প্ৰেৰণ কৰে। আজি মৰনোত্তৰ পৰীক্ষা সম্পন্ন কৰি মৃতদেহটি পৰিয়ালক গতাই দিয়া হৈছে। কিশোৰী গৰাকীৰ এইদৰে অকাল মৃত্যু হোৱা ঘটনাই অঞ্চলজুৰি গভীৰ শোকৰ ছা পৰিছে।