দক্ষিণ শালমাৰা-বাংলাদেশ সীমান্তত ২১ টা চোৰাং গৰু জব্দ

দক্ষিণ শালমাৰা থানা এলেকাৰ অধীনস্থ মহামায়া চৰত ৪৯ নং বেটেলিয়ান বিএছএফে আজি পুৱতি নিশা ২১ টা চোৰাং গৰু জব্দ কৰিছে। সৰবৰাহকাৰীৰ দল এটা উন্মক্ত নদী তথা চৰ সীমান্তয়েদি গৰু কেইটা বাংলাদেশলৈ সৰবৰাহ কৰিবলৈ ধৰাত সীমান্তত টহলধাৰী বিএছএফ জোৱানে গৰু কেইটা জব্দ কৰে। মহামায়াচৰ বিএছএফে গৰু কেইটা দক্ষিণ শালমাৰা থানাত জমা কৰিছে বুলি জানিব পৰা গৈছে। লক্ষণীয় যে দক্ষিণ শালমাৰা-মানকাচৰ জিলাৰ দক্ষিণ শালমাৰা আৰু সুখচৰ থানা এলেকায়েদি পশুধনৰ চোৰাং কাৰবাৰ অব্যাহত থকাৰ লগতে চেনীৰ চোৰাং কাৰবাৰ বৃদ্ধি পাইছে।