দক্ষিণ শালমাৰা মানকাচৰ জিলাৰ সুখচৰ থানাৰ অন্তৰ্গত চৰ কাশাৰীপাৰাত যোৱা নিশা মটৰচাইকেল দুৰ্ঘটনা সংঘটিত হৈ এজন যুৱকৰ মৃত্যু মুখত পৰাৰ লগতে আন এজন গুৰুতৰভাৱে আহত হৈছে।
উল্লেখযোগ্য যে যোৱা নিশা প্ৰায় ১১ বজাত সংঘটিত হোৱা দুৰ্ঘটনাত সুখচৰৰ ফকিৰপাৰা গাঁৱৰ ছামচুল হকৰ পুত্ৰ কাইয়ুম আলী (১৯)ৰ মৃত্যু হোৱাৰ লগতে একেখন গাওঁৰ আদম আলীৰ পুত্ৰ মিৰাউল ইছলাম (১৯) গুৰুতৰ ভাবে আহত হয় । দুয়ো হাটশিঙিমাৰী প্ৰিমিয়াম লীগৰ খেল উপভোগ কৰি একেখন মটৰ চাইকেলেৰে ঘৰলৈ গৈ থকা অৱস্থাত নিয়ন্ত্ৰণ হেৰৰুৱাই পথৰ কাষত বাগৰি পৰে। স্থানীয় ৰাইজে দুয়োক ততাতৈয়াকৈ উদ্ধাৰ কৰি হাটশিঙিমাৰী অসামৰিক চিকিৎসালয়ত ভৰ্তি কৰে যদিও কাইউম আলী মুখত পৰে । আনহাতে আহত মিৰাউল ইছলামক প্ৰাথমিক চিকিৎসা প্ৰদান কৰি তেওঁৰ অৱস্থা সংকটজনক হোৱা বাবে উন্নত চিকিৎসাৰ বাবে গোৱালপাৰালৈ প্ৰেৰণ কৰা হয় । কাইয়ুমৰ মৃত্যুত পৰিয়ালৰ মাজত এক শোকাকুল পৰিবেশৰ সৃষ্টি হৈছে । আৰক্ষীয়ে মৃতদেহটি উদ্ধাৰ কৰি মৰনোত্তৰ পৰীক্ষাৰ বাবে ধুবুৰী অসামৰিক চিকিতসালয়ত প্ৰেৰণ কৰিছে।
