দক্ষিণ শালমাৰাৰ বন্দিহানা আৰক্ষী আৰক্ষীয়ে এটা অভিযুক্ত ধৰ্ষণকাৰীক গ্ৰেপ্তাৰ কৰিছে। ধৃত অভিযুক্ত ধৰ্ষণকাৰীটোক বন্দিহানা আৰক্ষী চকী এলেকাৰ অধীনত থকা ডিমাতলা গাঁৱৰ জহিৰুল ইছলাম বুলি চিনাক্ত কৰা হৈছে। ২০১৬ চনত স্থানীয় এগৰাকী ১৫ বছৰীয়া কিশোৰীক ধৰ্ষণ কৰাৰ অভিযোগত জহিৰুলৰ বিৰুদ্ধে বন্দিহানা আৰক্ষী চকীত গোচৰ পঞ্জীয়ন হৈ আছে। গোচৰ পঞ্জীয়ন হোৱাৰ পাচৰে পৰা জহিৰুল বহি ৰাজ্যত আত্মগোপন কৰি আছিল। কিন্তু কালি তেওঁ ঘৰত অহা বুলি গোপন সুত্ৰৰ ভিত্তীত জানিব পাৰি আৰক্ষীয়ে গ্ৰেপ্তাৰ কৰি ধুবুৰী আদালাতত হাজিৰ কৰাৰ পাচত আদালতে জেললৈ প্ৰেৰণ কৰে।
