দক্ষিণ শালমাৰা-মানকাচৰ জিলাৰ দক্ষিণ শালমাৰা থানা এলেকাৰ অধীনস্থ পোৰাৰচৰত যোৱা নিশা আৰক্ষীয়ে চোৰাং গৰুৰ বিৰুদ্ধে অভিযান চলাই ৫ টা চোৰাং গৰু জব্দ কৰিবলৈ সক্ষম হৈছে। আৰক্ষীয়ে আন্তৰাষ্ট্ৰীয় সীমান্তৱৰ্তী এলেকাত পেট্ৰলিং কৰি থকা অৱস্থাত গৰু কেইটা সৰবৰাহকাৰীয়ে বাংলাদেশলৈ নিয়া অৱস্থাত জব্দ কৰে যদিও চোৰাং সৰবৰাহকাৰী পলায়ন কৰিছে। ইফালে কালি জিলাখনৰ খাৰুৱাবান্ধা আৰক্ষী চকীৰ আৰক্ষীয়েও নিশা সীমান্তৱৰ্তী কালাইৰ আলগাত পেট্ৰলিং কৰি থকা অৱস্থাত চাৰিটা চোৰাং গৰু জব্দ কৰিবলৈ সক্ষম হৈছে যদিও খাৰুৱাবান্ধা আৰক্ষীৰ চকুত ধূলি দি সৰবৰাহকাৰী পলায়ন কৰিছে। জিলাখনৰ বিভিন্ন এলেকাত আৰক্ষীয়ে এইদৰে প্ৰায় প্ৰতিদিনে চোৰাং গৰু জব্দ কৰিবলৈ সক্ষম হয় যদিও ৰহস্যজনক ভাবে সৰবৰাহকাৰীক কৰায়ত্ব কৰাত ব্যৰ্থ হোৱা পৰিলক্ষিত হয়।
